.. انضرو ماذا سعد فعل لكم سعد لما كان ناديه بأسوأ الظروف ما إبتعد عنه ......... عشان مين ؟؟ عشان الجمهور مو عشان عيون فلان او فلان ..
سعد الرمز النصراوي الوحيد الباقي في النادي و كنّا نتغنى فيه .. صار الحين مايسوى بنظركم .. وتهددونه ببلال .؟
سعد اللي كان يشوف الملايين تروح للاعبين في الأندية الثانيه وهو جالس في النصر يقطون له قطّيه العصر ياخذ منها اول شهر وباقي الشهور شطـّبنا مافيه شي ومع ذلك ...
جلس في النصر .. ولاترك النصر ... من هو عشانه ؟؟؟؟؟؟ لايكون عشان الملايين اللي تجيه ؟؟؟
نعم عشانكم وعشان النصر ..
ولو وقتها ترك النصر كان انهبلتوا عليه بس الحين لما شفتوا انه يمكن بتصير تعاقدات وان النادي بيتطور شوي وأخذتوا بطوله (تسمونها بطوله؟ ) صار سعد شي مو مهم ورحيله عادي وفيه أفضل منه ؟؟
جبتوا بطوله بدون سعد ؟؟ فرحانين ؟؟ تسمونها بطوله ؟؟ اللي يعشق النصر ويعرفه زين مايعتبرها بطوله وانتم تعرفون كيف فزتوا بقدرة قادر وبرحمة ربي ... قال فريق كره قال ..
سعد هبط مستواه ؟؟؟ كلنا نتفق على هالكلام ومافي شك فيه ابد...
لكن هل يوجد في النادي من هو افضل منه ؟؟؟ ............... ما اعتقد وانتم تعرفونهم زين
تبونه يشيل فريق لحاله .. سوبرمان اعتقد مو سعد الحارثي
تقولون سعد اذا راح واذا جاء النصر هو النصر مايتغير والنصر ماهو واقف على لاعب واحد
صح الحين تقولون كذا لأنكم تحسون بوجود البديل ... لكن لما كان يحفر الأرض لحاله كنّا نسمع حارثي حارثي (الله أكبر)
تقولون سعد يساوم ناديه واللي يساومنا مانبيه.............. طيب ماله حق يقول انا ابي المبلغ هذا ؟؟ او تبونه يبصم ويسكت ويضيع حقه وبالأخير سكيورتي بشركه مثل الباقين ؟؟ طيب كل هالسنين اللي جلسها مع النصر ماتعتبرونها شي وللحين تقولون يساومنا ؟؟ ليش ماساومكم أول ؟؟؟
بذمتكم من هو بعد ذاك الجيل الذهبي جيل ماجد ومحيسن وفهد عشقناه من اللاعبين كثر سعد ؟؟ يمكن عشقنا لاعبين بس مو مثل سعد الذابح واللي عشقناهم غير سعد وين هم ؟؟ راحوا لأسباب كثيره من اللي غنينا بإسمه كثر سعد ؟؟ من اللي صرنا نشوفه الأول في النصر بدون منازع ؟؟ وصار رمز عند الاطفال النصراويين يتقربون منه ويعشقون النصر عشانه قولوا اسم غير سعد عشان أضحك ...
ياعشاق النصر سعد وقف معنا في همّنا وضيقتنا سعد بكى معنا يوم الكل يفرح والكؤوس تلمع مع غيرنا وحنا نطالع ونموووت قهر ..ومازلنا سعد ماخلانا ابد سعد ماخان لاوالله ... شوفو اخر مبريات النصر والهلال غض النضر عن النهائي من عادلكم مع الهلال واحد واحد هو نعم هو سعد من جابلكم هدف شرفي امام الهلال هو نعم هو سعد وتقولون ماذا فعل سعد لنا
يا ادارة
سكتنا كثير ووقفنا معاكم كثير ودافعنا عنكم كثير رغم البلاوي اللي شفناها والتعاقدات والتصرفات اللي ما احد يرضاها بس سعد ؟؟ سعد موضوع ثاني ... أخيرا ً شي جاء في خاطري وكتبته ع السريع لسعد
ياسعد لايهمك وش يقول الحسود 00 أرفع الراس دايم والحســــــود يخسى ياسعد لايهمك من يشــــــد القيود 00 ياعسى الله كفــــــــيله ياعسى ياعسى ياسعد لايهمك كل شخـص حــقود 00 أنت قدرك كبير وبالنواظـــــــــــر رسى ياسعد لايهمك خاينين العـــــــهود 00 من يحبك وربي وقــــــــــــفتك مانـسى
يالعالمي حبك كبر بقلوبنا والله كــــــــــــــــــبر ويزيد حبك كل ما زاد لـشموسك صــــــيتها إنت الذهب وأصل الذهب منك وغيرك ماقــدر وإنت الطرب وأصل الطرب لعبك إذا شبيتها العب ومتعني أنا ويا ملايين البــــــــــــــــشر اللي تحبك وعرفت إنك بعد حبـــــــــــــــيتها من قابلك راح بخبر كان وحي الله خــــــــــــبر واحلامهم يالعالمي للداهيه وديــــــــــــــــتها
تقبلو تحياتي اخوكم {عشقي لذابح خطير}
جــــارح(11)القْـــلـوب@ّ نائب المدير
المساهمات : 303 تاريخ التسجيل : 11/06/2008 الموقع : في الزلفي مقر على طريق المر بالعطيشيه....
موضوع: رد: حكايه عنوانها التضحيه والحب والوفاااااااء الثلاثاء يوليو 01, 2008 2:01 am
الإثنين يونيو 30, 2008 10:35 pm
